రాత్రి - ధాత్రి

ఎవరున్నారని
ఏమవుతారని
అడుగుతోంది ఈ రాత్రి
వెతుకుతోంది ఈ ధాత్రి .....ఎ......
ఎదలోపలికధలేవేవో
ఎదుటకొచ్చి ప్రశ్నలు వేస్తే
సమాధానమిచ్చేవారు
సరిహద్దులొ కానరారు
తెలియాలని ఎందుకు తపన
తెలుసుకుంటే ఆగేనా నటన
మనిషి కధకు వుందా ముందు
మనోవ్యధకు లేదా మందు
మనసిచ్చి కోసేదెవరు
మమత పెంచి తుంచేదెవరు
తెలియాలని ఎందుకు తపన
తెలియకుంటే అంతా ఘటన
అయోమయం ఆదీ అంతం
అంధకారమేనా సత్యం
కాలానికి కావలి ఎవరు
కలని ఇలని కలిపేదెవరు
తెలియాలని తపనెంతున్నా
తేటతెల్లమగునా నాన్నా...