బాబా

సర్వమతముల సారం నీవని
సకలచరాచర రూపం నీదని
రుజువు చేయగా ఈ భువిని
నిజముగ వచ్చిన ఓ బాబా. ...స...
అజ్ఞానమనే అంధకారమున
ఆనందమనే జ్యోతి ని నిలిపి
అహింసయే పరమధర్మమని
అన్నీ విడచిన బుధ్దుడు నీవే .......స...
కలతలవలో చిక్కిన లోకుల
కాపాడుటకై నేనొచ్చానని
కలవరమొద్దని శిలువను మోసిన
కరుణామయుడవు క్రీస్తువి నీవే .......స......
మతమేదైనా హితమొకటేనని
మమతను మించిన మతమే లేదని
మానవత్వమే మహిలో నింపగ
మానవుడైన మహమ్మద్ నీవే ......స....
నిత్యపూజలు వేరైనగాని
నిగమాగములు అన్నీ ఒకటే
నామాలెన్నున్న రూపాలేవైన నిఖిలలోక పరిపాలకుడొకడే